حلّو عن ديني! - فولكينو إم سي Ep3 - Volcano Mc - 7illo 3n Dine

published June 16, 2026

كلمات أغنية حلو عن ديني #فولكينو : ببلادي مافي تخطيط والمستقبل مالو مفسر فكل يوم منفيق ومنشوف شو الله بيسر ماعنا أدنى فكرة كيف الساعات رح تمضى إما سنة وإما ومضة بعيشة هالعمر بتقصر واحدنا الصبح فتح بعدا ضل ساعة متسطح عم يفكر بشو يبلش شو رح يضرب شو رح يطرح يبتدي بمشاكل بيتو وللا مشاكل شغلو وللا يتطمن عالبقي عايش من رفقاتو وأهلو أما عن نفسي فقت متجاهل كل هالامور عم فكر بجرة غاز وهمي الوقفة عالطابور وحصلا بأسرع وقت بأقل شحار وتعتير حتى ما اتأخر عشغلي وطحبشو للمدير قبلا شوف الفواتير وادفع الأهم شي.. والباقي لبعدين الراتب طار برمممشة.. وكلمة لبعدين عنا أهم عادة وتقاليد.. وبالمختصر اللامفيد شنو مو طالع بالإيد.. لبست بسرعة ونزلت حتى وجهي ماغسلت عم ادعي ما تاخد وقت لو بالسرافيس وصلت كويس بسرعة ركبت يللا ادعاس بانزينك.. حاجز:.. صف عيمينك.. انت ولاك.. أشو دينك؟ ...... لك حلو عن ديني حلو عن ديني حلو عن ديني قصصكم كلا لا بتهمني ولا بعتنيلي.. حلو عن ديني حلو عن ديني حلو عن ديني أقرف بقاع الأرض هالجورة اللعينة.. أحقاد دفينة على تقاليد مشينة عقائد ما بتواتيني فمن هالغباوة اعفيني.. عندي من العقد فيني والفيني مكفيني لذلك حلو عن ديني حلو لك حلو عن ديني ....... قررت اترك هالفخار يضل يكسر بعضو.. ومازال العمر الزفت عم يحلم بسعدو.. والبشر مابيتعضو ماعد حدا وفى بوعدو.. لدق لرفقاتي العواطلية بكونو قعدو.. شو الوضع شكو ماكو شو الترتيبة الليلة.. قوم نروح نجيب شي نشربو ونعملنا تفتيلة.. شبك ولك هبيلة؟ أنسا سيرة طويلة.. حتى ما ننجلط خليها تمضى بمزحة وتقفيلة.. قلي عندي مشروع ..قلتلو هات تحفنا.. تعا نسهر حد فلان شب رفيق معارفنا.. شنو من الروتين قرفنا..وصلنا..وقفنا.. فلان بعرفك علتان..والنعم..تشرفنا.. قلي شوقصتك مو رايق مانك عالحشيشي جاوبتو لك يا زلمي بربك هادي عيشة؟.. اي المي ماعاد انشربت كهربا البيوت خربت والنسوان نكد نكد نكد والأعصاب انضربت وديون واكتئاب والأعطال ماعم تخلص والقلة مالا حلة وغلا ومافي شي عم يرخص نطرتو يقول صبور الله يفرج الله يعينك.. فجأة خلصت صفنة الحمار وسأل /أنتي شو دينك؟/ .... وجعني راسي قد ما سلكت وطنشت.. شخشخشخت عالعمر الضايع على كل عام طرطشت.. خرطشت متة و قعدت ..من بعد ما تدوشت.. بالمي العمرا ما سخنت..فتحت السوشل بحبشت.. لفتت نظري بنوتة .. أطيب من كيكة و بسكوتة.. حلوة ومهضومة وضرب وبوستاتا أحلا حدوتة.. وهتماماتا ملفتة وشكلا من جوي وتيبي.. خلعتا فولو بلا تفكير.. ردتلي..تعي يا بيبي.. فعلت وضعية الشب الطبقجي اللي خاتما.. شوية غزل عالخفيف مع رشة تقل للسما.. مع الاهتمام بكل الظاهر عنا عبروفايلا .. وشوية حكايا عن شعرا ولون عيونا وستايلا.. صارحتا ..عجبتيني وشكلك والله عملة نادرة.. عندك ملامح حنونة ومع هيك شكلك قادرة.. بسمتك مميزة ..ونازل سرد بإحساسي.. رغم أني في جملة تانية عم تنحكا براسي.. شو هالسكتة الساكتيا معقولة نفشة وأنزعتي؟ بلشت تكش نفسي وناطرا تاخد وتعطي.. أو تقول حل عني..أو تسلم دخيل عينك.. بنت الشر المترابط بعتتلي : هلق شو دينك؟ - Volcano mc instagram : https://www.instagram.com/volcano.mc.sy Volcano mc facebook: https://www.facebook.com/share/1E3KzDWP7H/ Volcano Mc tiktok: https://www.tiktok.com/@mc.volcano Volcano Mc Spotify : https://open.spotify.com/intl-ar/artist/1aOvpuTIUeZnlx7zXs3Lk3 Volcano Mc Anghami : https://play.anghami.com/artist/1974444 Beat By : (Unknown) حرصا" على السلامة ! Mixing & Mastering By :  Fidro Records :    https://www.instagram.com/fidrorecords

Growth Velocity

🌍 Trending Across Regions